¿QUÉ YE LA FOTOTECA LA SIDRA?
Fototeca LA SIDRA ye un proyeutu que tien como oxetivu la recuperación, dixitalización, contestualización y centralización de material gráficu rellacionáu cola sidre, d’enantes de 1980.
Trátase d’un proyeutu entamáu pola Fundación Asturies XXI, col sofitu de la Conseyería de Cultura, Política Llingüística y Turismu, y la FMCEUP del Conceyu Xixón, que cunta cola collaboración de l’asociación fotográfica Asemeyando y la revista LA SIDRA.
Les semeyes costitúin un material etnográficu y hestóricu de primer orde, que non siempres se valora como ye menester, y qu’en munches ocasiones dáñase o piérdese al cabu los años.
Trátase de la recuperación y dixitalización d’esta triba semeyes -lo que garantiza la so perdurabilidá al traviés del tiempu- la centralización de los recursos nun espaciu d’acesu públicu (el propiu Muséu del Pueblu d’Asturies, y la web www.lasidra.as/Fototeca), la contestualización hestórica, social, etnográfica…, l’analís de los conteníos, y lo que ye tamién perimportante, el so espardimientu y la so puesta en valor.
Pa too ello, dende la Fundación Asturies XXI pídese la collaboración a tola sociedá asturiana.