COLLABORA

Siendo la Fototeca LA SIDRA un proyeutu abiertu, hai munches posibilidaes de collaborar, d’alcuerdu a la dimposición, posibilidaes y motivación de ca presona. Equí ufiertámosete delles posibilidaes:

  • Na propia organización del proyeutu
    • Participando col restu collaboraores nel diseñu y evolución de la Fototeca LA SIDRA, aportando idegues y facilitando que se lleven a efeutu, collaborando na llocalización y recoyía de materiales….
  • Aporte de material. En principiu contémplense dos formes:
    • – La donación de semeyes, que pasen a integrar el fondu museísticu col que cunta la Fundación Asturies XXI nel Muséu del Pueblu d’Asturies, dixitalizándose, y entregándose al donante una reprodución física d’alta calidá y mayor formatu que l’orixinal, apurriéndose-y tamién l’archivu dixital.
    • – Facilitando la dixitalización de les semeyes, pero conservando la so propiedá física, en cuyu casu recibe tamién l’archivu dixital.
  • Información y Contestualización
    • De la esistencia de material d’interés pal proyeutu, de contautos de xente interesao, de proyeutos asemeyaos que puedan esistir dientru o fuera’l país, de bibliografía, documentación…
  • Un de los aspeutos más interesantes del proyeutu ye la contestualización del material gráficu, ye importante cualisquier aportación sobro la fecha en que pudo facese la semeya, onde se fexo, quien apaez nelles, reflexones sobro lo qu’apaez na semaya…
  • Aportación económica, que pue rializase a la cuenta de la Fundación Asturies XXI:

ES09 – 0081 – 5157 – 60 -0001228623

Porque tou proyeutu precisa d’un encontu económicu que permita faer frente a los gastos del mesmu, facilitando los medios afayaízos tantu p’avanzar nelli como pa dalu a conocer.
Ye perimportante que na donación figure l’oxetu –Fototeca LA SIDRA- y tamién los datos del donante (nome, apellíos y DNI), darréu que les donaciones a una fundación d’interés social como ye la Fundación Asturies XXI cunten con una desgravación fiscal d’ente’l 30% y el 40% de lo donao.

  • La que mos propongas
    • Fototeca LA SIDRA ye un proyeutu abiertu. Queremos conocer la to opinión, les tos propuestes…. trátase d’un proyeutu bien ambiciosu que precisa la collaboración de toes /os

8 + 8 =