MD069

Autor: desconocíu

Fecha: 1930

Llugar: Chile

Procedencia:  .

Observaciones: Na imaxe apaez el pae de José Luis Toyos Capellán, José Toyos Ruipérez, col so amigu, en Chile, escontra 1930. Que tea en Chile tien que ver con que'l pa y el tíu de José Toyos Cueto emigraren a Chile. Dambos teníen un fundu en Chile, pos descubrieren unes mines de cobre. Manuel y José Toyos Ruidíaz, fíos de Francisco y Rosa, nacieron nel Juesu en 1858 y 1864 respeutivamente y emigraron a Chile en 1876, onde pensaben dedicase a l'agricultura. En cuanto llograron unos aforros dedicándose al comerciu, mercaron unes tierres en 1879 onde afayaron una mina de plata (Caracoles) y coles ganancies mercaron, en 1882, la mina de cobre “Rosario del Llano” en Chuquicamata (onde güei esta la mayor mina a cielu abiertu del Mundu qu'esplota Codelco) fasta que'l Gobiernu chilenu la espropió. Fueron los primeres n'aprovechar los finos de mineral “los llampos” polo que les sos mines fueron conocíes como “Las Llamperas”.

Tres venticinco años d'estancia en Chile Manuel tornó a Lliberdón en 1901 onde casó con Maria Cueto Ruidíaz y foi el primer Presidente de la Sociedá Fomento de Lliberdón fasta la so muerte, a los 51 años, asocedida en 1909 cuando escomenzaba a construyir la so casa familiar con lluz de gas, calefacción central y agua corriente.

Cuando tornó de Chile fundó una fábrica de sidra axampanao en Colunga al pie de otru sociu. Esta fábrica de sidra champagne (La Colunguesa Asturiana) rezaba na so publicidá como “bebida estomacal recomendada por todas las eminencias médicas”. Manuel tamién foi ún de los promotores del trazáu del ferrocarril del Norte pela mariña (Xixón, Villaviciosa, Colunga, Ribesella), frente al trazáu interior que finalmente s'impunxo. El 1 d'Ochobre de 1908 l'Asociación d'antiguos alumnos y amigos de la Universidá d'Uviéu nomáronlu sociu numberariu de la mesma. El periódicu “L'Heraldu d'España” espublizó na primer páxina la noticia de la so muerte, síntoma de la importancia d'esti llieardonés na República de Chile

Fonte d'ingresu: Toyos Capellán

Fecha d'ingresu:

Depósitu:  Memoria Digital Asturias.