Inicio > Eventos > IV Gran Capítulu de los Siceratores d’Asturies
EventosLa sidra

IV Gran Capítulu de los Siceratores d’Asturies

La confradería cellebrarálo’l sábadu 4 de payares en Nava

LA SIDRA.- La Bona Confradería de los Siceratores d’Asturies rializará el prósimo 4 de payares el so IV Gran Capítulu. Les actividaes proyeutaes sedrán les que vienen darréu:

  • 16:00 hores: Receición a los representantes de les confraderíes nel Salón de plenos del Ayuntamientu Nava.
  • 16:30 hores: Visita al Muséu de la Sidre d’Asturias a tolos confráderes que quieran asistir.
  • 17:00 hores: Receición del restu confráderes nel Hall del Muséu con un aperitivu de sidre.
  • 18:00 hores: Ceremonia de nomamientu de nuevos Cofráderes de Númberu y de Honor nel salón d’actos del Muséu.
  • 19:00 hores: Semeya de familia y desfile peles cais de la Villa de la Sidre acompangaos pola Banda Gaites la Kadarma.
  • 19:15 horas: Visita a los llagares Zapatero y Viuda de Corsino pa tomar un culín y prebar la sidre’l duernu.
  • Tiempu llibre pa tomar un culete pelos diversos chigres de la Villa naveta.
  • 21:00 Cena nel hotel Villa de Nava

Los llagares collaboraores son Viuda de Angelón, Zapatero, Viuda de Corsino, Castañón y Panizales. Amás, la confradería agradez tamién al Muséu de la Sidre y al Conseyu Regulaor de la DOP Sidre d’Asturies.

Los hoteles de la villa pa quedar a durmir y esfrutar de la Folixa son: Hotel Prida 985 71 73  05 y Hotel Villa de Nava 985 71 80 70. El cuartu duplu con almuerzu 50€ en dambos y el cuartu individual más almuerzu 35€ nel casu de Prida y nel casu del de Villa de Nava son 30€.

La espicha d’afayamientu sedrá en Casa Mino y tará amenizada con tonada asturiana. Darréu, nel salón Hotel Villa de Nava llevaráse a cabu la cena de convivencia con caldu pita, Cabritu Peñamayor al auguardiente sidre, tarta de sidre, Sidra 1947 d’Angelón, Café y copa de sidre brut Prau Monga. Amás incluiráse copa de yin tónic de mazana y baille na discoteca del hotel. El menú tien un preciu de 40€.

Dexa una rempuesta

La so direición d'email nun sedrá espublizada Campos obligatorios marcaos con *