Inicio > Chigres > Fúbol y sidre, dos aficiones col mesmu oxetivu
ChigresEventos

Fúbol y sidre, dos aficiones col mesmu oxetivu

La segunda “Charra de Chigre CH2” espiricó sobro’l fúbol y la sidre, agora que l’Sporting y l’Uviéu coinciden tres 15 años na mesma categoría y dambes aficiones tienen l’enfotu puestu nel ascensu.

LA SIDRA.- Les aficiones de los dos equipos asturianos enfotaos en xubir a primera, y el vezu asturiau de ver los partíos en chigre compartiendo esos momentos colos collacios y la sidre foi el tema tratáu nesta segunda Charra de Sidre que tuvo llugar nel chigre El Saúco.

La charra cuntó con un  bon piñu de ponentes, compuestu por Manfredo Álvarez, periodista esportivu y moderaor de la charra, el presidente de la Federación de Peñes Sportinguises Jorge Guerrero, Secundino Suárez ‘Cundi’, José Antonio Redondo y Alfredo Álvarez   esxjugaores del Sporting y esti postreru tamién del Uviéu, asina como Eduardo Juanes, propietariu Sidrería El Saúco y Miguel Nosti representante organización Xixón de Sidre.

Nesta ocasión la mesa reonda dio pa muncho, darréu qu’al empar del tema principal tamién se trató del partíu acabante de xugar ente l’Sporting y el Cultural de Llión, y ente les concluxones destacaes hai de destacar. “l’Sporting y l’Uviéu retroaliméntense ún a otru” “Falar de fúbol nos chigres ye tornar a los oríxenes, a aconceyar colos collacios pa sociabilizar y esfrutar d’una bona botellina sidre” “Enantes los chigres yeren les redes sociales d’agora”

Dexa una rempuesta

La so direición d'email nun sedrá espublizada Campos obligatorios marcaos con *