El cien per cien ta ellaborao con mazana asturiana y ye de Grupu El Gaitero.
LA SIDRA.- El Grupu El Gaitero dio un xiru a una de les sos bébores más deseyaes. Ellaboráu con mazanes cien per cien asturianes, el zusmiu de mazana en llata ta pensáu especialmente pa que quien nun beben alcol pueda afayar tolos matices que brinden los zusmios d’esta esquisita fruta.
Dende la empresa señalen que: “El zusmiu de mazana El Gaitero ye un zusmiu tresparente de collor doráu y con tonalidá ámbar, cuyu arume anuncia un saborgu frescu, afrutiáu y llixeramente ácedu. Sospriende esi equilibriu ente acidez y dulzor, con predominiu d’esti postreru, y la persistencia nel cielu la boca d’una bébora n’apariencia cenciella; pero con contrastes inesperaos. Por eso ye’l meyor aliáu n’almuerzos, aperitivos y meriendes o, por qué non, nun brunch acompangando un deliciosu pancake de mazana y canela o una tarta cenadoria. A los neños encánta-yos, y ye idegal pa esos momentos nos que nun pruye tomar alcool. Por si fora poco, ta autorizáu demientres la espartana ‘operación bikini’, yá que apurre bien poques caloríes”.
Esti productu puede atopase en chigres y tiendes gourmet y tamién puede mercase al traviés del email comercialsidraelgaitero.com y recibir en casa a un preciu de 14,16€ el pack de 24 llates.
