La llocalidá ye famosa pola so sidre esplumoso dulce, y ye qu’esti ye un de los productos de Puebla, Estáu que va tar representáu nel próximu SISGA
LA SIDRA.- Zacatlán de las Manzanas ye una pintoresca llocalidá del Estáu de Puebla en México. Un conceyu que se caracteriza pola ellaboración de sidre esplumoso duce. Apocayá foi reconocíu como ‘Meyor Pueblu Máxicu pa una esperiencia culinaria’ con cuasique’l 30% del total de votos na so categoría.
“Fueron les sos mazanes —coles que faen sidres, duces y conserves—, chalupes, el so coneyu en chiltepín, los sos mixiotes de pollu y res, la so sopa de fabones con nopales, los sos refrescos y el so pan de quesu quien lo fixeron acreedor d’esti premiu” informen dende’l país azteca.
Hai que señalar que l’Estáu de Puebla ye un llugar sidreru por escelencia. Amás de Zacatlán de las Manzanas, ellí atópense otros conceyos onde s’ellabora la bébora de mazana. Un d’ellos d’ellos ye Huejotzingo. Sidra San Francisco, que va participar nel prósimu Salón Internacional de les Sidres de Gala, produz la so sidre en dicha llocalidá.
