El pasáu díi 17 setiembre nel Parque Xovellanos de Mieres cellebróse’l IV Concursu de Sidre Casero de la Comarca’l Caudal. Al mesmu presentáronse un total de 25 participantes de tola Comarca’l CaudalLA SIDRA.- Previa alquisión d¡un vasu comemorativu pudieron degustase toles sidres participantes, de les que pasaron un total de 10 d’elles a la final. El concursu tuvo enforma reñíu yá qu’hebio dalgún qu’otru empate. A la fin resultó ganaor José M. Fernández, del Conceyu d’Ayer. En segundo llugar quedó Sabino Zapico, de Mieres y en tercer llugar María Jesús Ferreiro, tamién del Conceyu d’Ayer.
Na sesión de la mañana vendiéronse tolos vasos, un total de 300. Pela tardi pudieron degustas sidres de Tiñana -Siero-, concretamente les siguientes: Quelo, Muñiz, Fonciello, Juanín, Vda de Palacio y Fanjul. Pa esta degustación había que mercar previamente un llote de 6 tiques al preciu de 3,50 € que daba drechu a un culete de caún de los llagares presentes. Pa esti eventu preparárense 600 vasos de sidre.
La mañana tuvo amenizada pol Grupu Baille Prau Llerón y la Orquestina la Xaranga. Tamién hebio canción asturiana a cargu de Liliana Castñaón, María López Toraño y Paula Prieto Castañón. El concursu foi presentáu por Alberto Cienfuegos “Michel” y Jackeline Marcano.
Como nun podía faltar en tou eventu sidreru tamién hebio un puestu onde poder mercar pinchos y otres viandes p’acompangar a la sidre.
Nun de los stands, que nun entraba a concursu, pudo degustase sidre casero ellaborao en tonel de maera de cerezal y en tonel de maera de nozal.
Raul Moro
(Visited 2.893.330 times)
