Cellebraráse güei a les 18:00 hores na plaza del Güevu de lavilla
LA SIDRA.- Como parte de la cellebración de les Fiestes de La nuesa Siñora del Portal, Villaviciosa acueye güei el XXXV Concursu de Sidre Natural del país; el más antiguu d’Asturies y un de los más prestixosos. Yá’l pasáu 12 setiembre un xuráu especializáu escoyó na villa les sidres que pasaríen a la gran final d’esti llunes, polo que güei namás se tastiarán les meyores d’esti añu.
El certame va escomenzar de magar les seyes de la tardi y va tener como marcu la plaza del Güevu de la llocalidá. Una vegada fallada la sidre venceor, va escomenzar n’El Pelambre La Xira del Portal-Merienda na cai amenizada pola banda música Los Gascones.
Más palantre, a les diez de la nuechi, programóse’l Portal Sidreru, nel que va haber cancios de chigre y música asturiana polos chigres collaboraores. Coles mesmes van sortease ocho cenes, una en ca chigre de los inscritos. Pa participar, tendrá de sellase’l pasaporte de cancios y depositalo nes caxes que van tar distribuyíes peles sidreríes.
