Convocada pal 30 de payares pola Asociación de Llagareros Artesanos del Caudal, cola collaboración del Círculu Gastronómicu de los quesos asturianos, del Conceyu d’Ayer y l’IES Valle d’Ayer
LA SIDRA.- La Xuntanza va tener llugar nel llocal Xunta Iniciatives de Caborana, nel Barriu Pozu Santiago, el sábadu 30 payares de 20 a 22:30, con un aforu de 130 persones y tendrá un preciu de 15 euros.
Maridaránse estremaes tribes de sidre de xelu: Cortina, Hibernis, El Gaiteru 1898 y Panizales, con quesu afuega’l pitu roxu, pata de cabra 1913, Valfriu trés lleches y quesu Porrúa de Vaca, respeutivamente.
Amás va tastiase, sidre de fueu Panizales con tarta quesu refogada en sidre, almóndigues de pexe en salsia de sidre Solaya y van realizase tasties de sidra brut Guzmán Riestra, Trabanco y Pomar Rose.
Les inscripciones puen facese al teléfonu 985 481 204 de llunes a vienres n’horariu de 10 a 14 hores.
Los Llagareros Artesanos del Caudal tienen como fin fomentar el desenvolvimientu, promoción y progresiva conocencia de la sidre. Pa ello realicen estremaes actividaes, como xornaes, certames, presentación de llibros, cursos, charres y concursos.
Asina mesmo fomenten la collaboración ente los asociaos y facilíten-yos los calces téunicos y los contautos con organismos públicos y privaos competentes
Pa recibir el PDF de la revista LA SIDRA fai falta tar dáu/da d’alta nel whatsapp de LA SIDRA
