Los hosteleros afondaron na conocencia de la sidre con denominación pa da-y puxu al so consumu.
LA SIDRA.- El CR DOP Sidre d’Asturies rializó na xornada d’ayeri una xornada téunica pa los hosteleros asturianos, col oxetu d’afondar na conocencia d’esti productu y la so aplicación nel ámbetu del negociu de restoranes y sidreríes.
Dende’l CR DOP Sidre d’Asturies tan faciendo por da-y puxu al conocimiento que los consumidores tienen sobro los productos de calidá amparaos pola Denominación d’Orixe y sensibilizar a los hosteleros sobro los aspeutos positivos qu’acompanguen al so consumu.
Pa ello tresnó un programa estensu, nel que destaquen puntos como la carauterización de la sidre amparao, el serviciu y conservación del producto, la téunica del echáu, la identificación de los atributos de la sidre o deprender a diferenciar los defeutos de la sidre, ente otros.
La xornada desendolcóse na Sala Mirador de La Llaboral, na segunda planta de la torre principal.
