El sábadu 16 de febrero viniente, la fachada de la Casa Conceyu va allumase de verde p’amosar el sofitu, y van ufiertase descuentos nos bonos de Ruta de la Sidre
LA SIDRA.- Xixón tamién sofita la candidatura de la cultura sidrera asturiana a Patrimoniu Inmaterial de la Humanidá, distinción concedida pola UNESCO. P’amosar esi sofitu, el sábadu 16 de febrero viniente, la fachada de la Casa Conceyu va allumase de verde y van ufiertase descuentos nos bonos de Ruta de la Sidre Xixón.
El preciu habitual del bonu, que se pue mercar na oficina d’información turística Infoxixón (Escalerona), ye de 5€. Cola promoción, que va ser válida dende güei hasta’l domingu, 17 de febreru, el bonu pasa a costar 2,50€ (-50% de descuentu).
Col bonu de la Ruta de la Sidre Xixón pue facese una visita guiada básica (amuesa del procesu d’ellaboración de la sidra y preba de sidra natural) en cualesquier de los llagares incluyíos nel programa (Trabanco, Acebal, Menéndez, Bernueces, Piñera o Castañón).
Arriendes d’ello, va entregase a toles persones que s’averen hasta’l puntu d’información turística el cartafueyu de Ruta de la Sidre Xixón, nel que s’especifiquen les visites a los llagares del conceyu y los menús de Ruta de la Sidra Xixón en 15 sidreríes de la ciudá que sirven la sidra en condiciones perbones y escancien tanto en mesa como en barra. Amás, el cartafueyu inclúi información sobre’l ‘taxi-llagar’.
*Semeya: concursu d’echaores na Plaza Mayor de Xixón
