Una dellegación asturiana de la Fundación Asturies XXI y la revista LA SIDRA participaron na mayor feria sidrera d’Europa, l’Apflwein Weltweit.
El pasáu domingu díi 10, nel incomparable marcu del edificiu hestóricu del Palmengarten, el Xardín Botánicu de Frankfurt, tuvo llugar la esitosa ferai de la sidre con más de 70 espositores d’estremaos países y más de 250 especialidaes de sidre.
Con una asistencia superior a les 2.000 presones, l’estand d’Asturies representáu pola Fundación Asturies XXI dio a conocer la ciudá de Xixón comu destín d’interés pola so cultura sidrera y más concretamente comu sé del Salón Internacional de les Sidres de Gala (SISGA).
Gracias a la collaboración de Divertia foi posible cuntar con esta representación asturiana que desendolcó un intensu programa de contautos con estremaos productores y distribuidores europeos qu’amosaron el so interés en conocer la ciudá y participar na prósima edición del SISGA que tendrá llugar la primer fin de selmana d’ochobre.
Dase la circustancia de que munches de les presones que s’averaren al estand de la Fundación Asturies XXI ya conocíen tantu Asturies comu Xixón, especialmente pola Primer Sidre l’Añu y la Fiesta de la Sidre, de las que, sigún sopelexaron, guarden un pergratu recuerdu.
