Cellebraráse esti sábadu 3 de xunu na Plaza Ayuntamientos Democráticos de La Pola.
LA SIDRA.- El decimu segundu Festival de la Sidre de Llaviana ufiertará la sidre de doce llagares: J. Tomás, Frutos, Arbesú, Quelo, Viuda de Angelón, Trabanco, L’Allume, Contrueces, Fonciello, Fran, Castañón y Buznego, ganaor de la Meyor Primer Sidre L’Añu 2017.
L’animación correrá a cargu de A Mansalva, y cunta pa la so organización cola collaboración del Ayuntamientu de Llaviana, Llaviana Activa, Amigos del Descensu del Nalón y Noticies de l’Arcadia. La degustacion de sidre sedrá de 12:00 a 14:00 hores y de 17:30 a 19:30 h.
Esti festival esfruta d’una perimportante rempuesta popular, pesia cuntar con perpocu conteníu al so alrodiu y nun tener una programación mínimamente afayaíza, tratándose d’ún d’esos casos que precisen una puesta a puntu urxentemente pa dotalu de más y meyores conteníos rellacionaos cola cultura asturiana de la sidre.
El que nel cartelu de la convocatoria nun respeten nin el nome oficial del conceyu n’asturianu “Llaviana” resulta más qu’esmoleceor, y dexa en permal llugar a un Ayuntamientu que nel so momentu llegó a declarar l’asturianu llingua oficial del conceyu.
