Cellebraráse na Plaza L’Ayuntamientu Sotrondio’l prósimu 12 de mayu
LA SIDRA.- Cuntaráse cola participación de los llagares: Arbesú, Cortina, Castañón, Fonciello, Foncueva, J. Tomás, L’Allume, Menéndez, Vallina, Viuda de Angelón y Zapatero; siguiéndose l’avezáu sistema de mercar el vasu del eventu pa poder prebar la sidre de baldre.
Repartiránse unes 150 caxes de sidre, como l’añu pasáu, y la previsión ye vender unos 1200 vasos, y tovía ta pendiente d’apuntase dalgún llagar más.
Esti añu nun habrá concursu oficial d’echaores -como venía siendo avezao- porque sigún informen los entamaores, l’añu pasáu yá los dexaron ensin fecha, colo que completen la xornada con otres actividaes: verbenes, teatru, actuaciones musicales…
Les prebes de sidre sedrán el sábadu 12, de 13 a 14:30 y de magar les 18:30 hores, y a les 13:15 tendrá llugar la interpretación de Cancios de Chigre, a cargu de la Coral de Samartín.
