Manolo González creya Asturies Sidrera, obra cola que quier tresmitir el gociu de compartir arreyáu a la sidre
LA SIDRA.- Editada por Hércules Astur, la xerigrafía ta teniendo una acoyía estraordinaria pa una obra d’estes carauterístiques, esperándose que nos prósimos meses agótese la primer edición de 100 exemplares.
Manolo González (Tol, Castropol, 1957) rializó Asturies Sidrera intentando falar de la sidre comu esa bébora que reúne, xunce y xenera l’atmósfera afayaiza pa la comunicación y l’esfrute la vida”, daqué qu’a xuiciu de los entendíos nesti arte, tresmite a la perfeición y cola debía complicidá qu’esta triba d’obres requier.
L’autor siñala que ye la “fuercia del collor” la que lu llevó a emplegar la xerigrafía comu forma d’espresión artística y respeutu a la obra afirma que “Una vegada que llogré la composición, lo más enguedeyao, al ser puramente creativo, foi dar credibilidá al vasu”.
