Amplíase l’horariu. Fasta’l 31 d’agostu podrá acudise de llunes a vienres y habrá dos pases.
LA SIDRA.- Cola xida de la temporada alta braniega Sidra Cortina amplía’l so horariu de visita a les sos istalaciones. Agora podrá acudise de llunes a vienres y habrá dos pases, a les 12:00 y a les 18:00 hores. Dura alrodiu de 45 minutos y el so preciu ye de 2 €. hai de siñalar que los menores de 18 años podrán entrar de baldre.
Nun ye preciso avisar a menso que’l grupu col que vais superes les venti presones. El serviciu inclúi un pack de vasu decoráu y preba de sidre; amás d’un val por una botella de Villacubera que podrá utilizase namás si se come a la carta na Sidrería Casa Cortina.
L’aniciaor de Sidra Cortina foi Celestino Cortina Cuadra, que dende bien neñu deprendió les llabores precises pa ellaborar sidre. En 1952 anició la so empresa y tuvo que lluchar abodno pa sacala alantre, Tres el prematuru fallecimientu de Celestino, Eloy Corina tomó les riendes del negociu. Elli supo incorporar los avances teunolóxicos pa esparder los sos producots. En 2001 naguró n’Amandi, el “Llagar de la Ferrería”. Un fitu na hestoria del mundiu la sidre por ser el primer llagar modernu d’Asturies nel que s’abre pasu unanueva xeneración de llagareros.
