El prósimu xueves 26 de xineru, el Clú de LA SIDRA entama l’añu con una visita guiada al Llagar de Canal
LA SIDRA.- Sedrá’l propiu llagareru, Andrés Canal, tercer xeneración de llagareros, quien dirixirá esta visita al emblemáticu llagar xixonés, ensiñándomos les sos istalaciones y presentándomos la sidre qu’agora mesmo ta nos toneles.
El Llagar de Canal anicióse en 1955 por Avelino Canal, y dende 2003, llévalu Andrés Canal. Cunta con una capacidá aprosimao pa un millón de llitros, y cunta con unos 3.500 pumares, toos ellos de races acoyíes a la DOP. Asina mesmo’l llagar cunta con 12 toneles de maera de castañal, 17 de fibra y 12 d’acieru inosidable, amás de tola maquinaria preciso pa la ellaboración y corcháu de la sidre.
El llagar de Canal tien nel mercáu dos marques de sidre:
- Canal
- El Santu. DOP ‘Sidre d’Asturies’
La visita guiada al llagar entamará nel mesmu llagar el xueves 26 de xineru a les 19:30 h. con horariu finalización a les 21:00, y como se desplicó enantes, correrá a cargu del propiu llagareru Andrés Canal.
El númberu places ye llimitáu, y la participación na visita tien un costu de 10 €. L’ingresu hai que facelu poniendo’l nome del participante y el conceutu ‘Sidra Canal’ nel númberu cuenta de la Fundación Asturies XXI: ES 09 0081 5157 600001228623
Más información:
info@lasidra.as
T. / Whatsapp: 652 594 983
