Entamada pol Clú de LA SIDRA, tendrá llugar esti xueves 27 de magar les 20 hores.
LA SIDRA.- Dempués del paréntesis del branu, el Clú de LA SIDRA retoma les sos visites guiaes pelos llagares asturianos que venía faciendo’l postrer xueves de ca mes.
Nesta ocasión, el llagar escoyíu ye’l de Piñera, en Deva, llagar que data d’entamos del sieglu pasáu y que dende 1940 lleva comercializando la so sidre como Sidra Natural Piñera. En 1980 el llagar llevó allantre un importante procesu de modernización y d’ampliación de capacidá de produición, ensin desdexar en dengún momentu la tradición.
Anguañu tien nel mercáu Sidra Piñera, y tamién Piñera etiqueta prieta y La Llosa Serantes, estes dos caberes acoyíes a la DOP Sidre d’Asturies.
El númberu places pa participar nesta visita ye llimitáu, per rigurosu orde d’iscripción, con un preciu de 10 € por persona. L’ingresu hai que facelu poniendo’l nome del participante y el conceutu ‘Llagar Piñera’ nel númberu cuenta de la Fundación Asturies XXI:
ES 09 0081 5157 600001228623
