La Fundación Sandra Ibarra y el CRDOP van nomar al periodista Carlos Franganillo ‘Embaxador de la Sidre d’Asturies solidaria 2022’
LA SIDRA.- La VIII Espicha Solidaria Frente al Cáncanu tien como oxetivu esfrutar de la sidra de Asturies, y faelo amás por una bona causa: amestar esfuerzos frente al cáncanu, yá qu’una parte de la recaldación va dir destinada a sofitar la Escuela de Vida de la Fundación Sandra Ibarra. Les entraes solidaries, con un preciu de 30 euros (10 d’ellos de donación direuta), yá tán a la vienta na see del Conseyu Regulador y en https://entradium.com/ye/events/viii-sidra-de-Asturies-frente-al-cancer
El prósimu vienres 30 de setiembre, la Fundación Sandra Ibarra y el Conseyu Regulador de la Denominación d’Orixe Sidre d’Asturies van cellebrar la tradicional ‘Espicha Solidaria Frente al Cáncanu’, qu’esti añu cumple la so ochava edición. Dambes entidaes entamen un añu más esti eventu que supon un homenaxe al espíritu d’Asturies nel que, al traviés de los sos raigaños y tradiciones, ponse n’alza la solidaridá de les sos xentes. El llugar escoyíu para la cellebración d’esti eventu alrodiu la sidre ye tamién la so redolada más natural: el llagar tradicional, nesti casu’l Llagar de Quelo, en Tiñana.
Nesta ochava edición, va distinguise al periodista uvieín Carlos Franganillo col entítulu de ‘Embaxador de la Sidre d’Asturies solidaria 2022’, reconociendo’l so llabor como difusor de la cultura y raigaños asturianos en tol territoriu estatal. Va siguir asina’l camín d’otros pernomaos asturianos como’l periodista José María García, los actores Arturo Fernández, Roberto Álvarez, el cantante Víctor Manuel o’l Padre Ángel, que foi distinguíu con esti títulu na edición del añu pasáu: “Toi bien agradecíu. Recibí munchos homenaxes, pero enxamás nun imaxiné ser nomáu embaxador de la sidre d’Asturies”, declaró emocionáu.
Los fondos recaldaos al traviés d’esta iniciativa destinaránse a la Escuela de Vida, el principal proyeutu de la Fundación Sandra Ibarra, que surde tres l’aumentu de los índices de supervivencia en cáncanu y l’ausencia de planes asistenciales específicos pa les presones que superen la malura. L’oxetivu ye, per un llau, formar ya informar a pacientes y supervivientes de cáncanu pa que se conviertan en protagonistes del so salú y llogren el bientar físicu y emocional necesariu; y per otru, midir y visibilizar les sos necesidaes. Esta escuela, que trabaya de forma integral alrodiu d’estremaea áries de salú, ye tamién la primer comunidá dixital de pacientes y supervivientes de cáncanu: www.escueladevidafundacionsandraibarra.org
