El conceyu pontevedrés d’A Estrada entama pa esti 2 de xunu la sétima edición d’esta feria sidrera que cuntará con presencia asturiana, bretona, portuguesa y vasca.
LA SIDRA.- Pasu ente pasu la sidre va afitándose en Galicia, onde les sos istituciones apuesten fuerte por esti productu, y sedrán 10 los llagares gallegos –los más d’ellos non profesionales- que participen nesta sétima edición de la VII Feira da Sidra Natural e ecolóxica qu’agora mesmo yá ye una referencia sidrera en Galicia y que cunta con una interesante presencia internacional, con participación de llagares asturianos, bretones, llioneses, portugueses y vascos.
Concretamente de Galicia participarán los llagares Andaina, Camino Cfea, Maeloc, Peroja, Ribela, Torres de Moreda, Val do Traba y Cioba; d’Asturies tarán presentes los llagares Solleiro, Cabueñes, y Somarroza (Piélagos); d’Euskal Herria Astarbe y Bereziartua; de Llión Carral y L’Agüelo; de Bretaña Le Maitre y de Portugal Corrupia. Asina mesmo la empresa Guerrilla Imports aportará sidre alemana, inglesa y bretona.
Per otru llau la VII Feira da Sidra Natural e ecolóxica cuntará con otres actividaes de calter cultural y con estremaes actuaciones y conciertos.
