VII Concursu de Sidre Casero Fecho en Maera

Únicu na so especialidá, cellebraráse’l prósimu domingu 1 d’abril nel marcu de la Primer Sidre L’Añu

LA SIDRA.- Esti concursu, entamáu pola Fundación Asturies XXI y la revista LA SIDRA reivindica non solo la sidre casero, sinon la tradición de la maera na ellaboración de la sidre frente a los nuevos cascos d’acieru y de fibra de vidru.

Les bases pa participar son bien cencielles:

• L’ámbetu de convocatoria ye l’Asturies hestórica, dixebradamente de la “comunidá autónoma” a la que se perteneza anguañu.
• La sidre presentao tien de ser casero, y tar fecho en cascos de maera, a lo menos en dalgún momentu de la so ellaboración.
• Un mesmu llagaréru podrá presentar un másimu de dos tribes de sidre.
• Hai de presentar 6 botelles de sidre (retornaráse’l cascu nel intre de la so presentación) a la organización de la Primer Sidre L’Añu enantes de les 13 hores del domingu 1 d’abril.
• El xuráu, presidíu por Manuel G. Busto entamará la valoración nel mesmu Muséu del Pueblu d’Asturies a les 13:30 h, en forma de tastia ciega y puntuación pública, siendo’l so resultáu inapelable.
• Establécense los premios que vienen darréu:
  • 1 Premiu. Pipa de sidre de maera de 150 llitros, y diploma acreítativu.
  • 2 Premiu. Xueu de densímetros y termómetru, y diploma acreítativu .
  • 3 Premiu. 500 corchos y diploma acreítativu.
  • 4 y 5 premiu. Diploma acreítativu
• El ganaor de ca edición formará parte del xuráu na edición del añu siguiente, nun pudiendo presentar la so sidre na mesma.
• La participación nel concursu supón l’aceutación de les presentes bases.