Tendrá llugar el prósimu 6 d’agostu nel Poliesportivu de Perlora, y escomenzará a les 12 hores
LA SIDRA.- Entamada pola Asociación de Sidre Casero de Carreño, va cellebrase n’horariu de 12 a 14:30 nel Poliesportivu de Perlora, Barriu La Pedrera, y na mesma participarán 20 llagareros caseros del conceyu de Carreño, teniendo como espositor invitáu a l’Asociación Sociocultural de Muñó, ASECEVI.
En total van ser 21 espositores con sidre rico y variao, que va poder tastiar l’asistente tres la compra del vasu de la edición.
Demientres la degustación tamién podremos esfrutar de la V Esposición d’elementos funcionales de llagares antiguos na que se va cuntar con cinco pieces cedíes pal eventu per parte de llagareros de conceyu. Asina mesmo realizaráse talleres d’ellaboración de sidre dulce y d’echar sidre pa neños y neñes
Per otru llau, nel intre de la degustación procederáse a la entrega de la Mazana d’Oru al primer productor de sidra axampanao de Carreño.
Tamién se va cuntar cola empresa UriaXait, S.L., especializada en ciencia de datos, que va llevar a cabu un analís de sentimientos sobro la cultura de la sidre y la percepción de la sidra casero.
L’eventu ta padrocináu pol Ayuntamientu Carreño y cunta cola colaboración de: Cementos Tudel Veguín, Flores Ikebana, Bioconsultor, La Casa del Fruticultor, Hotel y Casona El Carmen, Teatro Electra, lagar, La Hacienda de la Abuela, Espiral 8, Bar Domingo, Casa Sandalio, Panadería La Flor, Mapfre, Mini Market Perán, Comibersa Masaveu Industria, Camping Perlora, Sidra Peñón, Torrontegui Sidrería, Bar La Bahía, Nordeste Restaurante, Morís Pirotecnia, Hotel Pieddra, Esnova, Empalme, Nuriadent Clínica Dental, Café Iris.
Pa recibir el PDF de la revista LA SIDRA y preciso tar dau/da d’alta nel whatsapp de LA SIDRA
