Per sestu añu consecutivu, nesta VIII Primer Sidre l’Añu, LA SIDRA entama esti concursu, únicu na so especialidá.
LA SIDRA.- El concursu ta empobináu a llagareros non profesionales qu’empleguen el sistema tradicional en pipa de maera, al oxetu de da-y puxu al usu d’esti material pa la ellaboración de sidre que va diendo pocu a pocu en desusu pola xeneralización de los tinos de fibra y d’acieru. Cellebraráse’l domingu 16 d’Abril y espérase una perinteresante participación.
Esti concursu de sidre casero ye l’únicu de los esistentes que tien ámbetu asturianu, darréu que los más d’ellos avecen a tar llimitaos al conceyu nel que se convoca, cola esceición del entamáu pola Asociación pol Fomentu de la Sidre Tradicional, que de toes formes llimítase a lo que ye l’antigua provincia d’Uviéu, aniciada dende Madrid en 1835 y de la que ye sucesora la “comunidá autónoma del Principado”, desdexando’l restu del país.
Nesti casu -lo mesmo que pasa colos concursos de tonada asturiana, onde ye avezada la participación de cantantes de l’Asturies de Santillana, de Tresmiera, de Laredo La Llébana y norte de Llión- podrán participar nel concursu los ellaboraores de sidre casero fecho en maera de tol territoriu hestóricu asturianu.
BASES DEL VI CONCURSU DE SIDRE CASERO
