Pa picar na barra, anantes de xintar, pidimos unos calamares a la romana, porque la mio compañera ye celiaca y sabemos qu’esti ye ún de los pocos llugares onde se puen pedir ensin gluten pero calteniendose rustidinos, un datu perimportante pa toos aquellos que tean esta complicación.
Darréu, un bon platáu de verdines amariscaes. Menos conocies que la faba de la granxa, les verdines tienen la peculiaridá de que, bien preparaes, talo paez que se deslien na boca comu mantega, anubriendo’l paladar col so tastu. Nel Yumay, amás, prepárenles abondoses en mariscu y con caldu espesu y saborguiosu; espectacular.
Esfrutémosles con unes botelles de Trabanco Selección.
SIDRERÍA YUMAY- Rafael Suarez 7. Villalegre, Avilés T. 985 57 08 26
(Visited 2.890.108 times)
