La preba gratuita tendrá llugar el domingu 13 mayu nel aparcamientu del Cientru Polivalente de Valdesoto.
LA SIDRA.- Entamáu pola asociación “Toos xuntos podemos”, y col sofitu del Ayuntamientu Sieru, esti domingu que vien cellebraráse una nueva edición d’esta folixa sidrera que pasu ente pasu va siendo referencial nel panorama sidreru.
El sistema pa esfrutar de la sidre ye l’avezáu de mercar el vasu del eventu (3 €) pa llueu poder prebar la sidre de los 11 llagares participantes: Alonso, Buznego, Cortina, Estrada, Furaco, Juanín, Llagar de Quintana, Menéndez, Muñiz, Riestra, Trabanco, asina como de la sidre casero de Valdesoto qu’aporten los propios vecinos.
L’eventu cellebraráse nel Aparcamientu del Cientru Polivalente de Valdesoto, de 12 a 15 hores, y ye bien d’encamentar l’asistencia al mesmu.
