Mañana domingu cellébrase una nuea edición d’esti certame sidreru que cunta cola participación d’once llagares.
LA SIDRA.- De 12 a 15 hores cellebraráse esta xornada sidrera que cunta cola participación de los llagares: Alonso, Muñiz, L’Allume, Trabanco, Juanín, Riestra, La Morena, Menéndez, EStrada, Buznego y Cortina, qu’apurren la sidre de baldre, y de la que podrá prebase a gustu namás con mercar el vasu de la folixa, por 3 €.
Esti eventu, cellébrase en Valdesoto, Sieru y ta entamáu pola asociación “Toos xuntos podemos”, y arriendes del nidiu interés sidreru, rescampla polo afayaizo del sitiu y el bon ambiente que se da nel mesmu, motivu esti pol que l’afluyencia suel ser abondosa… lo que quiciavis desplique lo que paez pocu enfotu na convocatoria, que siempres apaez a lo cabero, y cuasique ensin tiempu pa espardela comenientemente.
Sidreros!!! a Valdesoto!!!
