Óscar Flórez, portavoz de l’Asociación de Fomentu de la sidre tradicional, desplica nesta entrevista les estremaes iniciatives pa dar puxu a la ellaboración casero de sidre, y los proyeutos a futuru pa que les nueves xeneraciones se interesen por caltener esta importante actividá
LA SIDRA.- Demientes esti andanciu púnxose de manifiestu la importancia de cuntar con produición propio. ¿pasó asina cola sidre casero?
¡Claro! Los productores de sidre casero fueron los que pudieron beber sidre tranquilos, porque como nun se podía dir a los chigres… la solución yera lo de casa . Fueron los que bramente tomaron sidre con tranquilidá. Anque tamién xorreció la venta de sidre comercial a particulares, daqué qu’enantes nun se facía muncho. Pero los que tomaben sidre casero pudieron siguir comu siempres.
