L’alcalde navetu afirma que ve más cerca la integración del Muséu en Recrea, colo que’l Muséu de la Sidre quedaríe básicamente pal turismu.
LA SIDRA.- Tres la solicitú d’un créitu de 50.000 euros pa facer frente a los pagos de la Fundación de la Sidre, encargada de la xestión del Muséu de la Sidre de Nava, ente ellos el pagu a los trabayaores de los 4 meses de sueldu, l’alcalde de Nava presidene de la Fundación, Juan Cañal, dio por afitada la integración del Muséu en Recrea, lo que supondríe la fin definitiva del Muséu comu referencia de la cultura sidrera y la so supeditación al mercáu turísticu. Un Disneyland de la sidre, comu se vien comentando.
A la fin too paez indicar que la falta de criterios nidios, una discutible xestión y l’incumplimientu de compromisos por parte de l’Alministración, sobro too del “Principado” acabará faciendo d’un proyeutu llamáu a lliderar la cultura de la sidre, un cenciellu entretenimientu pa turistes, ensin mayores conteníos.
