El xueves 11 entamen les xornaes gastronómiques de la cocina de la sidre, y el domingu 14 de mayu cellebraráse la Preba.LA SIDRA.- El programa de la 18 Preba de Gascona yá ta cuasique tresnáu, y yá podemos avanzar que’l domingu 14 de mayu entamará esta decimochava edición d’esti eventu sidreru. El pregón d’apertura tará a cargu del show-man Rodrigo Cuevas, creador d’un nueu estilu musical: el lletro-culple, del qu’interpretará tres temes. Lo mesmo que n’otres ediciones, el públicu asistente, tres l’alquisición de vasu, pañuelu y fueya de votación por namás 4 € pue degustar el productu de los llagares que sirven la so sidre en Gascona y votar na categoría popular.
La tastia oficial, como davezu, tará guiada por Luis Estrada y el xuráu d’esperots tará compuestu por Maximino Villarrica, Gumersindo Martínez, Joaquín Cernuda, Severino Cueva y Agustín Rodríguez. Ellos escoyerán la sidre ganaora na categoría oficial, siendo Salvador Ondó l’echaor oficial. Esti añu y como novedá daráse tamién el premiu a la etiqueta más guapina.
Esta edición cunta cola participación de diecinueve llagares ellaboradores: Castañón, Cortina, El Gobernador, Fonciello, Foncueva, Herminio, JR, L’Allume,L’Argayón, La Llarada, Menéndez, Muñiz, Orizón, Peñon, Roza, Trabanco, Vallina, Viuda de Angelón y Viuda de Corsino.
Per otru llau les xornaes gastronómiquess de la cocÍna de la sidre escomenzarán el xueves 11 de mayu en toles sidreríes del bulevar y finarán el díi de la Preba.
(Visited 2.897.650 times)
