Con esti discu el llagar da un pasu más nel so llabor de dar puxu a la cultura asturiana
-LA SIDRA.- Sidra Trabanco presentó la selmana pasada’l discu “90 años de Música y Sidre” interpretáu pol Dúu Astur, Jorge Tuya y Luis Estrada, un repasu a la canción asturiana más tradicional.
El discu compónse d’un total de trece canciones populares asturianes, montañeses, gallegues ya inclúi un tema dedicáu a Sidra Trabanco, el canciu qu’abre’l discu.
Jorge Tuya y Luis Estrada conformen “Dúu Astur”, dos afamaos solistes de la canción asturiana que lleven cuasique trenta años interpretando tonada xuntos. Reconocíos y premiaos pol so bon facer musical, continúen el so compromisu divulgando y dignificando les canciones populares asturianes.
Esti nueu trabayu musical “90 años Música y Sidre” cunta con treces temes con igües musicales de Pepín Robles y foi grabáu en Luna Music Studios en Llugo Llanera por Roberto Junquera ente febreru y marzu de 2018.
Sidra Trabanco con esta iniciativa da un pasu más nel so trabayu de curiar, abellugar y dar puxu a la cultura asturiana. Los calors que defenden siempres son los orixes, la familia y la tradición.
