La cultura sidrera asturiana crucia l’Atlánticu de la man de Samuel Trabanco pa cellebrar un eventu únicu cola sidre como protagonista en Walden, Nueva York. “
LA SIDRA.- Angry Orchard, principal productor de sidre nos Estaos Xuníos entamó una cena homenaxe a la sidre asturiano, un hermanamientu gastronómicu onde la cocina asturiana y la so cultura sidrera sedrán los protagonistes d’una velada nel llagar de Ryan Burk en Walden. L’homenaxe culinariu a la tradición asturiana ta diseñáu polos cocineros Jamie Bissonnette, xef del restorán Toro de Boston y ganaor del premiu al meyor cocineru de 2014 pola Fundación James Beard, Alex Vallcorba del restorán ANXO en Washington y Justin Severino, cuatro vegaes nomináu al premiu de la Fundación James Beard, xef y co-propietariu de Cure and Morcilla en Pittsburgh, Pensilvania” despliquen dende’l llagar.
El menú de la cena plantegóse con seyes ellaboraciones ispiraes na cocina tradicional asturiana que sedrán maridaes con Poma Áurea, Sidra Trabanco d’Escoyeta y Ávalon -gallardonada nel VIII Salón Internacional de les Sidres de Gala-, por parte de sidre de Trabanco y la nueva collecha de Angry Orchard, llagar que tamién participó nel citáu Salón. Samuel Trabanco sedrá l’embaxaor de la cultura asturiana de la sidre nesti alcuentru. Amás, Ryan Burk d’Angry Orchard sacó al mercáu Edu!, la primer sidre de la collecha 2017 con ispiración asturiana. Pa la ocasión el consorciu “Asturies For Foodies” compartirá la velada colos productos de conserves d’Agromar y quesos Rebollín.
