Los tortos son ún de los clásicos más apreciaos y tamién más caseros de la gastronomía asturiana, un platu tradicional y cenciellu que la mayoría los asturianos deprendimos a esfrutar en casa pero qu’al tiempu permite bayura d’opciones y versiones, adaptándose a estremaos gustos y bolsiellos.
Porque nun ye lo mesmo esfrutar d’unos tortos con llechi, que yá a cencielles son un manxar prestosísimu, que comelos acompangaos de picadillu, un bon quesu o, comu nesti casu, en versión alta cocina, con un par de güevos de pita caleya -cola so plizca pimentón pa facelos más intensos- xamón ibéricu n’abondancia y foie, una llocura de saborgos y testures que mos anubren el paladar a ca bocáu, presidíos pola intensidá puro de la masa de maiz bien rustío y afayaízamente acompangaos con unes botelles de sidre del llagar de Trabanco.
Sidrería El Requexu. Avenía La Costa 30. Xixón. T.984 395 520
