L’Asociación d’Hosteleros de Tazones llegó a un alcuerdu cola DOP Sidre d’Asturies pa ufiertar la sidre d’esta DOP como primer opción a los sos veceros
LA SIDRA.- Tazones, l’emblemáticu pueblín marineru de Villaviciosa convertiráse na primer llocalidá que se venceya a la marca DOP Sidre d’Asturies con esti alcuerdu pol que los sos establecimientos van ufiertar a los sos veceros la sidre DOP como primer opción.
D’acordies con Daniel Ruiz, xerente del Conseyu Regulador de la DOP Sidre d’Asturies “Tazones ye un llugar de referencia n’Asturies, non solo no turístico, tamién no gastronómico. Poro, tamos bien contentos de poder anunciar esti alcuerdu. Esperemos que seya’l primeru de munchos”.
Pa simbolizar esta allianza, tolos miembros de l’Asociación d’Hosteleros de Tazones citárense al pie de la sablera de la llocalidá maliaya pa echar un culín de sidra y espeyar d’esta miente el so compromisu con esti productu ellaboráu con mazana 100% asturiano.
