El prósimu xueves 1 de xunetu el propiu llagareru, Raúl Riestra, presentará los sos productos na Escuela d’Hostelería de Xixón
LA SIDRA.- L’actu, entamáu pol Clú de LA SIDRA –Fundación Asturies XXI, tendrá llugar el prósimu xueves 1 de xunetu a les 20 hores nel Aula de la Sidra del CIPF Hostelería y Turismu de Xixón.
Esta tastia guiada dirixirála’l propiu llagareru, Raúl Riestra, que presentará la so sidre:
- Sidra Riestra.
- Botella / lata
- Brut Guzmán Riestra
- Semiseco Guzmán Riestra
- Sidre de Xelu Riestra
Faciendo una descripción organoléptica de los sos productos.
Pa echar la sidre cuntaremos con una auténtica profesional: Alejandra Venegas, de la Sidrería La Montera Picona de Ramón
La tastia tendrá una duración aprosimáo d’un hora y cuartu, y un preciu de 10 €, que sedrán 5 € pa los miembros del Clú de la SIDRA y los soscriptores de la revista LA SIDRA.
Eso sí, daes les propies carauterístiques del evento, el númberu places ta llimitáu, que se cubrirán per rigurosu orde d’iscripción.
Esta tastia guiada ye una nuea iniciativa de la Fundación Asturies XXI, en collaboración col CIPF Hostelería y Turismu de Xixón, y la revista LA SIDRA, que se cellebrará el primer xueves de ca mes.
P’apuntase: info@lasidra.as / T. 652594 983
