La Tastia Guiada foi entamada pol Clú de LA SIDRA, de la Fundación Asturies XXI y protagonizada pol llagareru Raúl Riestra.
LA SIDRA.- El Llagar Riestra pue presumir de ser ún de los llagares más antiguos d’Asturies, yá qu’entamó a producir en 1906, y lleva faciéndolo de forma ininterrumpío de magar entós.
Anguañu los dos hermanos Riestra, Raúl y Rubén continúen el llegáu de cuatro xeneraciones de llagareros cola premisa de ser fieles al heriedu, pero tamién colos güeyos puestos na evolución de la sidre.
Asina en 2012 decidiéronse a comercializar sidre brut en dos versiones, brut nature y semiseca, y hai que dicir que con enforma ésitu. Hai trés años entamaron a producir sidre de xelu y l’añu pasáu escomenzaren cola sidre en lata, camentando nos sos veceros estranxeros, yá que cunten con un importante músculu empresarial en cuantes esportaciones.
La tastia guiada tuvo como escenariu l’Aula de la Sidre de la Escuela d’Hostelería de Xixón y na mesma participaren una ventena d’asistentes –el foru másimu por mor del andanciu Covid-19-.
Estes Tasties Guiaes cellébrense’l primer xueves de ca mes, y pal d’agostu ta previsto rializar la de Sidra Menéndez, que tendrá llugar na Sidrería La Montera Picona de Ramón, en Xixón, siendo preciso inscripción previo.
