Na primer actividá entamada pol naciente Clú de la Sidre, la tastia foi guiada por Manuel G. Busto y Joaquín Fernández, y ufiertó la posibilidá de degustar sidre de Murcia, Austria y Normandía, un auténticu lluxu qu’habrá ocasión de repetir aína, con otres tribes de sidre
LA SIDRA.- Pesia que la llexislación española nun contempla la esistencia de sidre de pera –a nivel internacional ye el términu xeneralizáu-, lo cierto ye que la sidre de pera, o perea, ye un productu tradicional n’Asturies del que yá dexa costancia Plinio’l vieyu (añu 23 de la nuesa era) affitando que yera consumía polos astures, y que siguió produciéndose fasta anguañu.
Bébora oficial del Exércitu Asturianu de la Xunta Suprema d’Asturies en 1808 el so consumu foi amenorgando pasu ente pasu, fasta qu’hai unos años el llagar Viuda de Angelón entamó a producir la so Sidre de Pera, que desdexó por mor de les trabes llegales españoles.
