Un rincón familiar pa xintar a lo grande
LA SIDRA.- La Bicha ye ún d’esos llugares afayaízos que solo s’atopen bien de xemes en cuandu, de normal -como ye’l casu- en barrios alloñaos del centru de les ciudaes, onde tol mundiu paez conocese y siénteste como si tovieres en casa anque acabes de llegar.
En rialidá ye un amiestu de tabierna y sidrería con una carta non bien estensa, pero sí intensa, pensada pa esfrutar tomando unes tapes bien acompañaes con Sidra JR.
Un conseyu, si nun tienes fame nun pidas la “tablilla” parrillera. Spoiler, a pesar de lo que pueda suxurir el so nome, nun ye piqueña. La parrilla ‘normal’ chivárenmos que precisa de dos meses solo para ponela, y asina ye too en La Bicha, la tortiella de diez centímetros d’altu, el bizcuechu caseru o les raciones de tarta. Quedrmos coles ganes de probar el so bacalláu.
Menos mal que la calidá acompanga a la cantidá y los precios son algamadizos. Los sos menús tamién son una bona opción, como demuestren les sos meses apinaes de trabayadores xintando cualisquier díi per selmana.
Amás, nun podemos ignorar la gracia que ponen los dueños, Elena Ávarez, el so home y el so fíu, cuando atienden a los sos veceros.
La sidre que tienen agora, siempres llista nel so enfriador pa que tea la temperatura perfecho, ye de JR “Porque me gustó. Teníemos otra marca, pero ufriómelo’l dueñu d’un establecimientu que trabaya con ellos, díxome prueba esta sidra y dende entós nun tenemos otra”.
TABERNA LA BICHA Av. Roces, 985 – Nueu Roces – Xixón T- 984 28 90 41
