Esta triba d’ellaboración cunta, ca vegada más, con arguyosos representantes asturianos. Son seyes los llagares qu’anguañu la producen con altos estándares de calidá: Panizales, Cortina, Pumaradas de Sariego, Viuda de Angelón, Riestra y El Gaitero.
LA SIDRA.- Nos años caberos los llagareros asturianos apostaren pola inovación nos sos productos ellaborando toa triba de sidre estremaes a la natural. Dao la fuerte tradición sidrera qu’hai nel nuesu país, amestada a la trayeutoria y esperiencia de los productores, les sidre, llamaes dacuandu “de nueva espresión” algamaren numberosos premios y reconocencies en certames nacionales ya internacionales posicionando a Asturies dientru del mercáu enolóxicu mundial.
Ún d’estos inovaodres productos que tan captando l’interés del gran públicu consumior ye la llamada sidre de xelu. Nos estremaos alcuentros gastronómicos que se llevaren a cabu nel territoriu españoly tamién nel estranxeru, esta bébora ye una de les que más llamen l’atención.
Asina quedare patente, n’especial, demientres les ediciones del Salón Internacional de les Sidres de Gala que se cellebren ca añu en Xixón. Na postrera, rializada los díis 29 y 30 de setiembre y 1 d’ochobre, pudiemos adicar con gran satisfacición cómo los asistentes entrugaben y tastiaben con abondu interés estremaes marques d’esta forma d’ellaboración na Tastia Abierta al Públicu.
Anguañu, n’Asturies prodúcense les marques de sidre de xelu que vienen darréu:
- Sidra de Hielo Panizales. Llagar Panizales
- Sidra de Hielo Cortina. Llagar Cortina
- Valverán. Llagar Pumaradas de Sariego
- Diamantes de Hielo.Llagar Viuda de Angelón
- Sidra de Hielo Guzmán Riestra. Llagar Riestra
- 1898. Llagar Sidra El Gaitero
