La Sidrería El Tendido debe’l so nome a la cercanía cola antigua Plaza Toros de Xixón, agora sede de folixes y conciertos. A un pasu de San Llorienzu y del Parque Isabel La Católica, sirven menú tan completu que nun mos cabe nes semeyes.
P’abrir boca, una tapina de xamón serrano cola que dir entamando.
Darréu, una bona escudiellada de pisto con patates frites y güevu escalfáu. Voi dedicar unes llinies a destacar el pisto, caseru, llixeramente especiáu y fechu con verdura fresco, ensin salsies enllataes, un detalle que se nota muncho y que da al platu un saborgu natural y auténticu.
Pa siguir, sardines a la chapa, fresquísimes, acompangaes con ensalada mista.
De postre, tarta casera de yema con ñata y carambelu, el caprichu final perfechu col que rematar la fartura.
Pa beber tienen sidre del Llagar d’Acebal y Contrueces, eso si, aparte del menú.
SIDRERÍA EL TENDIDO – Pintor Marola 10. Xixón T. 985 39 85 97
