Considero que merecería la pena comer na Sidrería El Fogón anque namás fuere por prebar l’esquisitu orixinal aperitivu cremosu de compangu rustíu, una delicia sosprendente con saborgu puramente asturianu, incluyía nesti casu nun impresionante menú del día que, depués d’abrir boca de tan bona manera, continuó con un melosu y saborguiosu arroz con setes de temporada.
Pa siguir, un platáu curiosu d’albóndigues con salsia de la de verdá casera -qué eso nótase- y carne bien tierno, acompangaes por pataques frites.
Depués d’esto petecíamos un postre más bien llixeru col que finalizar la fartura y la macedonia frutes punxo’l ramu frescu y dolce a la comida.
Nun podemos dexar de destacar l’arte y bon serviciu de los echadores a la hora d’echar la sidre, que pue escoyese pente Sidra Costales, de Frutos, o Sidra Piñera.
Sidrería El Fogón. Círculu Popular. La Felguera, Llangréu T. 985 68 32 07
Pa recibir el PDF de la revista LA SIDRA fai falta tar dau d’alta nel whatsapp de LA SIDRA. ¡Gratis!!
