Hai una pista determinante pa saber si una sidrería tien bon nivel, anantes mesmo de prebar un platu: saber qué palos tien y qu’ellos sepan por qué.
Na Sidrería Cabruñana, n’Avilés, topamos siempres una amplia escoyeta de los meyores palos del momentu; en concreto esti día tienen Sidra de les marques Germán, Valle de Peón, Vallina, Frutos, Juanín, Costales DOP, Del Valle DOP, Germán DOP…cuasi na. Nós pedimos Juanín, que nun ye fácil topala per ehi.
Otru datu a considerar ye que traigan los productos dende la mar más cercana, porque cuando tan asina de frescos, comu esti bugre, precisen pocu más que’l toque xustu de chapa pa que dean lo meyor de sí y de la mar. Un saborgu llimpiu, intensu y puru del que nun cansa ún nunca ya una testura tienra pero firme.
Cien por cien d’encamentar.
SIDRERÍA Cabruñana – Cabruñana 24 – Avilés T. 985 56 12 17
Pa recibir el PDF de la revista fai falta tar dau d’alta nel whatsapp de LA SIDRA. ¡Gratis!!
