La sidrería xixonesa Bobes foi la gran protagonista de la entrega premios de la Guía Chigrín 2017 qu’entama la TPA, al facese con trés premios na gala cellebrada’l pasáu mes d’avientu nel Llagar El Güelu.
LA SIDRA.- En primer llugar, la so propietaria Noelia Alonso, foi nomada “Chigrera mayor del Reinu”. Pa ella, foi una gran sospresa, porque “nun lo esperaba, quedé xelada, pero sentíme perarguyosa de que mos reconozan y valoren el nuesu trabau”.
Amás, los Chipis Bobes algamaron el “Palín d’Oru y Meyor Pinchu Dhigreru 2017”. Los sos míticos chipirones agoagos, trociaos y con cebolla confitao, gusten muncho a los sos veceros y tienen gran ésitu, yá que, sin dir más lloñe, nesta postrer edición de Xixón de Sidre, foron finalistes cola so tapa d’arroz con chipirones afogaos. Por último, el chigre tamién foi gallardonáu col “Trisquelón de Plata”, como segundu clasificáu al meyor chigre d’Asturies.
Una gran colleición de premios que son “consecuendia del trabayu de tol equipu y que queremos dedicar a tolos nuesos veceros, que son los que bramente fexeron esto posible y polos que trabayamos y mos esforciamos pa siguir meyorando díi ente díi”.
