El Clú Sierense d’Amigos de la Mazana –CSAM- va tar presente n’Agrosiero, con tasties, talleres, degustaciones y cellebrando’l so X Concursu de Sidre Casero.
LA SIDRA.- El CSAM va tar bien presente nesta nueva edición d’Agrosiero que va tener llugar el sábadu 21 y domingu 22 de Setiembre de 11 a 21 hores, na carpa amiesta a la Plaza Cubierta de La Pola Siero, onde van realizar una esposición de mazanes asturianes (cola collaboración de Campoastur), y con degustación de les sidres concursantes nel X Concursu de Sidre Casero.
Asina mesmo, ofreceran degustación de sidre’l duernu y de marmiellada de mazana, realizaránse tasties guiaes de mazanes y realizaráse un taller de mayar, empobináu fundamentalmente pa xente nuevo ya infantiles.
Pa participar nel X Concursu de Sidre Casero de Siero, la entrega de sidres realizaráse nes Escueles de Feleches ente los díes 2 y 11 de Setiembre de 19 a 21 hores. Concretando la entrega si ye posible al traviés de cualesquier d’estos teléfonos (659 543 116, 638 342 794 y 610 537 697). Tien de tratase de sidre ellaborao nel conceyu y hai que presentar dos caxes de sidre per palu.
La preseleición va realizase’l vienres 13 en xornada de mañana y tarde, y la final va tener llugar el domingu 22 de magar les 17 hores, procediéndose darréu a la entrega premios.
Pa recibir el PDF de la revista fai falta tar dau d’alta nel whatsapp de LA SIDRA. ¡Gratis!!
