Son dos de les sidres que más llamen l’atención a los amantes de los productos gourmet y que tan conquistando los paladares más desixentes; la primera algamó posicionase como una bébora delicatessen pa cualisquier cellebración, la segunda promete ser la gran revelación del seutor
LA SIDRA.- Paez que faláremos d’una saga épica lliteraria o d’una película d’aventures. Pero non. De lo que tratamos nesti artículu ye, -como nun podía ser d’otra miente nesta revista- sobro sidre. La de xelu ye un productu que, anque n’Asturies yá cunta con una década d’hestoria, sigui siendo “descubierta” ca añu polos amantes de los saborgos delicatessen. Y la de fueu… la de fueu sí que ye toa una novedá nesti país, que toviemos el placer de conocer y degustar na Tastia Abierta del pasáu Salón Internacional de les Sidres de Gala –SISGA- que se cellebró la postrer selmana de setiembre nel Palaciu de Revillaxixéu en Xixón.
