Baxo l’entítulu “¿Sidre asturiano o Sidre d’Asturies?” la conferencia mensual d’Ástura, protagonizada por Marcos A. Fernández, desplicó los matices d’esa controversia.
LA SIDRA.- A lo llargo la so intervención, el presidente de la Fundación Asturies XXI y editor de la revista LA SIDRA rializó una intervención especialmente pedagóxica na que marcó les diferiencies ente ún términu y otru.
El desendolcu y conteníos de la conferencia pue vese nel postrer númberu de LA SIDRA, pero ye de destacar que comu puntu final a la mesma, el ponente llamó a estremar ente sidre asturiano: aquello ellaborao siguiendo’l métodu asturianu, y sidre d’Asturies, a la sidre asturiano ellaborao coles races de mazana autóctono acoyíes a la DOP de dichu nome y certificada pol propiu CREDOP “Sidre d’Asturies”.
Asina mesmo, insistión en que la DOP Sidre d’Asturies supón ún de los mayores avances pa la sidre asturiano y la necesidá d’apostar por ella, si bien esclarió que la DOP nun garantiza una sidre de mayor calidá, sinon namás la procedencia de la mazana, nin tein la potestá de definir loq ue ye sidre asturiano o non, porque “lo que define a la sidre asturiano ye’l métodu d’ellaboración, non la procedencia nin la raza de la mazana”, calificando la DOP “Sidre d’Asturies” como exa d’economía identitario vinculao a la sidre y un ellementu imprescindible cara al caltenimientu del paisaxe, de les pumaraes y del mediu rural, dando viabilidá a los pumareros.
