El prósimu 5 de xunetu va nagurase nel Muséu de la Sidre de Nava, la esposición de l’Asociación de Diseñadores d’Asturies ‘Sidrafíes’, propuestes del diseñu asturianu sobro la cultura de la sidra.
LA SIDRA.- La esposición cunta con doce pieces gráfiques, dixitales o volumétriques qu’amuesen la particular visión de ca diseñador/a asturianu/a sobro’l mundiu la sidre anguañu o les sos propuestes de cómo’l diseñu pue aidar o influyir nelli. Les pieces creáronse en collaboración con provisores y/o patrocinadores arreyaos nel mundiu del diseñu y que cunten con una especial actitú y esmolición pol so fomentu y desendolcu. D’esta forma, valoren y apurren visibilidá tamién al trabayu y arriquecimientu que supón una bona execución material de los proyectos.
La intención de la esposición ye participar como puntu d’alcuentru asturianu sobro la situación d’anguañu y los horizontes de la cultura la sidre. Abrir un diálogu pa la reflexón sobro d’ónde vien, ónde s’atopa y au va.
L’actividá foi xenerada ensin ánimu d’arriquecimientu y de forma altruista na concepción d’imaxe y creatividaes per caún/a de los/es participantes.
AUTORES. Los/es diseñadores estudio socio/es d’AGA con esmolición pola actividá: Klaro (Llugones) La Pila (L.luarca) La to estratexa creativa (Uviéu) ink Diseñu (Noreña) We Estudiu Creativu (Xixón) Pieruz (Uviéu) Goyo Rodriguez (Candás. Carreñó) Warnon (Uviéu) Ruxíu (Uviéu) Dirozada (Nava) Trisquelmedia (Avilés) Félix Ordás (Xixón) Paula Noval (Xixón).
