Esta XV edición del Sidracrucis rendirá un sentíu homenaxe a Begoña Varillas, collacia de Sidracrucis dende’l so entamu y recientemente fallecía.
LA SIDRA.- Begoña Varillas, la nuesa collacia de tolos Sidracrucis rializaos fasta anguañu, tamién tará presente nesti Sidracrucis’18 de la man de los que tovieron el privilexu de conocela y compartir con ella tan hestóriques procesiones sidreres, asina como de los qu’esti añu se xunen per primer vegada, darréu que la presente edición ta dedicada a ella, y nel mesmu rializaráse un cenciellu actu na so alcordanza y homenaxe.
L’allegría y l’amor pola sidre y por esta tierrra, que la fexo llevar per tol mundiu la so asturina, y la so fidelidá a tolos Sidracrucis, conviértenla nun referente nesti y en tolos Sidracrucis que se cellebren. Esti añu cumpliremos cola so voluntá cuando pidió, nos postreros momentos de la so enfermedá, que cellebráremos con sidre tanto la so recuperanza como’l so fallecimientu si esti llegaba.
Por eso, esti 30 marzu cellebraremos el Sidracrucis con más intensidá que nunca, y tendremos siempres al nuesu llau a Begoña, que de xuru esfrutará con toos y caún de los culinos que tomemos. Con ella, y na so alcordanza.
