La procesión más sidrera de la Selmana Santa asturiana yá ta de nueu equí, convocando a los amantes de la sidre a una xornada mítica onde la sidre y la folixa son les auténtiques protagonistes.
LA SIDRA.- La decimotercer edición del Sidracrucis cellebraráse el prósimu vienres 25 de marzu, nuna xornada qu’entamará a les 12 del meudíi y que continuará fasta les 10 de la nuechi y na que los esforciaos del Sidracrucis dirán de procesión de chigre en chigre y de llagar en llagar, dexando bien nidio l’altor de la so devoción.
Esti añu el Sidracrucis sedrá más viaxeru de lo avezao, y saliendo de Xixón llegará fasta Llanes, y ye que dempués de la Fabaona Xabaz na Primer Sidre l’Añu que se cellebra nel Muséu del Pueblu d’Asturies, la procesión más sentía de la Selmana Santa, dirá fasta Nava, onde visitará’l Muséu de la Sidre, y llegará fasta Naves, onde cellebrará la espicha final nel Llagar de Cabañón, un de los llagares asturianos más auténticos, y un braeru lluxu pal cuerpu y l’espíritu.
Pel camín el Sidracrucis pasará peles sidreríes El Restallu, Ramón, El Tendido, El Parque, La Serena, Nueva Ibérica, Fernando, Miravalles, Dakar… y daqué otra sospresa más que yá diremos cuntando conforme s’avere la fecha.
Pa quien nun lo conoza, decir que’l Sidracrucis nun ye daqué que puea espresase con pallabres, ye una esperiencia. Daqué que los amantes de la sidre nun puen perdese y que los que tovía nun son aficionaos a esti arte, tienen qu’esperimentar pa llegar a apreciar la sidre y tolo que xira al so alrodiu, nun ambiente nel que’l bon humor sedrá la carauterística principal.
Demientres diez hores, diremos per chigres y llagares tomando sidre, canciando, y forrando bien, con pinchos en ca chigre, una fabaona xabaz pa xintar y una espicha pa rematar. Pinchos pal cuerpu y sidre pal alma, una auténtica procesión sidrera na que les rises, la música de gaita, daqué cantarín qu’echemos y fasta dalgún baillín, sedrán los protagonistes.
Los autocares recoyerán la xente d’Avilés, Uviéu y Xixón, acompangando la procesión demientres tol percorríu, permitiéndomos una xornada relaxada ensin sustos nin apuros.
Eso sí, comu siempres, ye preciso remembrar que’l númberu participantes ye necesariamente llimitáu, y ye preciso apuntase aína. Nun puen dexase les coses pa llueu, y vemos obligaos a pasar una Selmana Santa d’arrepentimientu.
Más información:
T. 652 594 983
sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr,サイダー, jabukovača,jabłecznik, musht,ntoo,сідр,almabor, sider, јаболковина, eplasafi, cidru, সিডার, olma, sidru, jabukovača, jablkový mušt, siider,сайдер,苹果酒, sidr,sidrs, сидр, elma suyu, شراب سیبსიდრი, խնձորօղի, алимны, rượu táo, խնձորօղի, сидр, μηλίτης, סיידר,עפּלזאַפט
