Enxamás nun podemos escaecer que por más qu’Asturies seya’l país de la sidre, hai otros munchos países onde la sidre tamién-yos ye propia, como pue vese nesti impresionante cuadru de George Henry Durrie, de 1863.
LA SIDRA.- La obra entitúlase Seronda en Nueva Inglaterra, la ellaboración de la sidre, y ye la más piqueña de les dos versiones sobro esti tema que Durrie finó poco enantes de la so muerte (1863). Pesia qu’esti pintor tien más sonadía polos sos paisaxes invernales, estes obres lleguen a ser consideraes de les meyores. Dende metanes de la década de 1850 Durrie pintó escenes repletes de detalles de la vida campesina, con balagares y mazanes apilaes en perfechu orde, ganáu dócil y los típicos chigres del valle del ríu Connecticut, evocando una visión idegal de la vida rural nos primeros años de la guerra civil norteamericana.
El cuadru en custión trátase d’un Óliu sobro llienzu de 66 x 92 cm, y pertenez a la colleición Carmen Thyssen- Bornemisza que s’atopa en depósitu nel Muséu Nacional Thyssen-Bornemisza
